Hia nau em ol EMTV nesenel nius hetlain long tok pisin…
1.KANTRI GAT MANI
Gavman bilong Papua Niugini I gat mani yet.
Dispela tok klia I kam long Sekretri bilong Treseri, DAIRI VELE.
Em mekim dispela toktok taim em I tok klia long sindaun bilong ekonomi na 2016 baset long 2016 Lida Samit bung tude.
2.MOA BIRUA
Bihain long tupela de we ol kar I no ron long Bena bris long Isten Hailans, narapela rot I bruk lo nait, na pasim ron bilong ol kar.
Hap rot namel long Kainantu na Yonki I bruk pinis na ol asples manmeri I wok long kliarim hap rot bai ol kar I ken ron.
Wanpela bris I kam long Hagen I kamap long Goroka tude. Wok bilong sanapim I go het pinis.
3.GURIA LONG IS NU BRITEN
Tete long morning wanpla bikpla guria I kamap long Is Niu briten provins.
Girua i kamap long mak 5 long masin bilong skelim guria, or rikta scale.
Nogat bikpla bagarap I kamap long ples.
Wanpla bikman long Rabaul Volcano Obsevatori, Ima Itikarai I tok guria ino kamap long sait bilong volcano.
Planti guria I woklo kamap long NGI rigen long las wik yet.
Long last yia, wanpla bipla guria stret long ist niu briten I bin kamap long mun mei na kamap long mak 7.5 long rikta sale.
Em I bin bagarapim planti ol samting.
NA LONG SPOTS NIUS:
4.KATO OTTIO LAINAP LONG RAIDERS
Bipo SP PNG Hunters, Kato Ottio I sanap long lainap bilong Canberra Raiders long wanpela gem bilong ol agensim Newcastle Knights long dispela wiken I kam.
Ottio I pilai makim Raiders pinis long Auckland Nines resis, tasol dispela bai nambawan NRL gem bilong en long Australia.
https://youtube.com/watch?v=NhfDIw0uHYI%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
