31 C
Port Moresby
January 24, 2021
Uncategorized

24 Jun | EMTV Nesenel Nius Long Tok Pisin

Share the News


Hia nau em ol nius long tok pisin:

1. MONIMAK BILONG YUNI HEVI GO BIKPELA MOA

Hevi we i wok long go yet long Yunivesiti bilong Papua Niugini, i givim moa hevi long haia edukesen sekta, na intanesenel luksave na nem bilong kantri tu.
Haia Edukesen Sekretri, Profesa David Kavanamur, i toksave long dispela ol samting long namba tu kibung bilong ol hetmanmeri bilong ol gavman dipatmen tete.
Tasol Profesa Kavanamur i tok tu olsem i gat wanwan gutpela samting i kamap long yunivesiti sekta.

2. HEVI LONG OL YUNI NIDIM MOA HALIVIM LONG OL MEMBA

Profesa David Kavanamur i mekim strongpela singaut long ol memba bilong palamen long halivim opis bilong haia edukesen, na wok bilong yunivesiti bod na menesmen, na tu, dipatmen bilong em yet long pinisim ol dispela hevi namel long ol sumatin.
Em i tok olgeta samting we dipatmen inap long mekim long pinisim dispela hevi, em ol i mekim pinis.
Na nau, ol politikal lida yet i mas go pas long stretim na pinisim dispela hevi.

3. PABLIK NO WANBEL LONG HEVI LONG YUNI GO MOA YET

Ol lain manmeri long pablik i no wanbel long pasin sampela ol sumatin long yunivesiti bilong PNG i mekim wantaim sampela ol ausait bikhet man, taim ol brukim na stil long opis bilong bisnis bilong UPNG, Uni Venture.
Nau moning sampela ol bikhet lain i brukim opis na stilim ol samting, pastaim long ol i laitim paia na kukim ples.
Tete moning, ol sumatin long UPNG i bin bung long paitim tok long dispela nupela hevi i kamap.

NA LONG SPOT NIUS BILONG TETE:

3. KIMBE BAI KARIM KAIKAI BILONG PNG GEMS

Long laspela raun bilong em i go long Wes Nu Briten provins, Minista bilong Spots, Justin Tkatchenko, i tok dispela PNG Gems long mun Novemba bai halivim tru Kimbe taun.
Minista i bin kamap long opim bilong namba wan gutpela boksing ring long Kimbe taun, long redi bilong PNG Gems.

https://youtube.com/watch?v=2SGIRqwYRIo%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

error: Content is protected !!