26 C
Port Moresby
January 19, 2021
Tok Pisin Nius

21 Jun | EMTV Nesenel Nius Long Tok Pisin

Share the News

1. GAVMAN NA OL YUNIVESITI TOK PAIT LONG SINDAUN BILONG OL UNI

Sif Sekretri bilong Gavman, Isaac Lupari, tete i bung wantaim ol vais sansela bilong foapela yunivesiti long paitim tok long ol hevi ol i bungim taim ol sumatin i no laik skul.
Dispela kibung tete em bilong skelim sapos akademik o skul yia bilong ol yunivesiti i orait yet o nogat.
UPNG na Yunitek i bin tok nogat long skul klostu 7-pela wik olgeta, na Yunivesiti ov Goroka na Yunivesiti bilong Netseral Risos na Envairomen i bin lusim skul tripela wik.
Nau bai gavman i mas sekim sapos ol i mas pasim ol yunivesiti, o nogat.

2. NCD GAVANA TOK DAUNIM STAP BILONG ASAILAM SIKA SENTA LONG MANUS

Long makim Wol Refuji De, Nesenel Kapitel Distrik Gavana, Powes Parkop i givim strongpela tok daunim long Manus Ditensen Senta we i bin kamap namel long gavman bilong PNG na Australia.
Gavana Parkop i bin mekim toktok bihain long Australia Hai Komisina, Bruce Davis, i toktok long wok Australia i mekim long sindaunim gut ol refuji.

3. OL MARKHAM LAIK KIRAPIM BEK BUAI BISNIS BILONG OL

Buai em i samting we i stap long bun tru bilong pasin PNG, na i samting we i save stap long kirap bilong olgeta ol nupela pasin poroman.
Long ol pipel bilong ples Mare long Markham distrik long Morobe, buai em i bisnis tru bilong ol.
Buai i bikpela samting tru long ol, na ol i bin bungim bikpela hevi tru, taim wanpela birua binatang bilong buai i bin kilim olgeta diwai buai bilong ol sampela yia i go pinis.
Nau ol i wok strong long kirapim bek buai, bai ol i ken sindaun gut gen.

NA LONG SPOT NIUS BILONG TETE:

3. MOROBE RAGBI FUTBOL YUNION I REDI

Morobe Ragbi Futbol Yunion o MRFU i redi long salim ol ragbi sevens tim bilong ol, ol Hammerheads, i go long Otonomas Rijen bilong Bogenvil neks wik Fonde, long pilai insait long Black Orchid 7s tonamen.
Ol Hammerheads bai brukim bun wantaim ol tim bilong ol arapela provins long winim dispela biknem tonamen.

Related posts

30 Jun | EMTV Nesenel Nius Long Tok Pisin

EMTV Online

13 Jun | EMTV Nesenel Nius Long Tok Pisin

EMTV Online

05 Desemba | EMTV Nesenel Nius Long Tok Pisin

EMTV Online
error: Content is protected !!