Hia nau em ol nius long tok pisin:
1. KASE I GIVIM STRONGPELA TOK LUK AUT LONG NDA
Sekretari bilong Health Dipatmen, PASCOE KASE, I givim strongpela toktok long ol Nesenal Union Bilong ol Dokta na ol arapela Health wokmanmeri, olsem pasin long stoppim wok na singaut long Praim Minista long step daun ino bihainim loa.
Kase I tok olsem ol wok kros I mas bihainim loa na health sekta Awods.
Las wik Fraide, Nesenal Union bilong ol Dokta I singaut long PM long resign na tu I tok long opim bek Medikal Faculty.
2. GAVAMAN I GAT STRONGPELA TINGTING
Gavman I gat strongpela tingting olsem ol I gat bikpela sapot long Praim Minista PETER O’NEILL.
Deputi Praim Minista, Sir LEO DION tok dispela muv gavman I mekim long go long Alotau em long pinisim wok ol I bin kirapim 4pela yia I go pinis.
Em tok tu olsem dispela wokbung wantaim ol arapela political pati I sowim strong bilong ol long dispela vot I nogat bilip long Praide.
3. KOT I RAUSIM CASE BILONG HAMOU
Komittal Kot long Waigani, I rausim kot bilong bipo Deputi Sekretari bilong Treasury, Aloysius Hamou, tete moning.
Kot I rausim dispela case long wanem Hamou I bin mekim wok bilong em olsem Deputi Sekretari taim em bin givim sumpela moni long BPNG lo baim tupela jenerata long Israel.
Ol I bin sasim em long tupela sas, em misappropriation na abius of ofis.
Kot I rausim dispela tupela sas.
NA LONG SPOT NIUS:
4. PNGRFL SAUTHEN ZON I KAMAP STAP
PNGRFL Sauten Zon Trials I kikop aste, long Mosbi.
Dispela gems I lukim ol official I kam stap long mekim tim bilong NCD.
Insait long dispela kompetisen, igat 18pela tim bilong ol man, husait I pilai 9pela gem tete.
Ol pilai man ol I makim bai go pilai long Southern Zon Confederate Kap we bai kamap long Popondetta.
