Hia nau em ol EMTV nesenel nius hetlain long tok pisin…
1. TREIN WANTAIM
Aninit long wanpela agrimen, ol memba bilong defense fos, polis na koreksenol sevis bai skul wantaim gen long Igam Bareks long Lae , Morobe Provins.
Dispela program ‘Joint Service Training’, i kamap gen, bihain long tenpela siks or 26 krismas.
Yia, 1980, i bin lukim laspela ol opisa, husat i bin pinisim skul aninit long dispela kain skul.
2.POLIS HOLIM PASIM TRIPELA SASPEK
Bihainim rep stori bilong tupela sumatin meri, bilong Lae nesin Kolij…
Ol polis i bin holim pasim, tripela man, bihainim wanpela sut toktok olsem ol tasol i bin repim dispela ol sumatin.
Dispela tripela man, em ol saspek, husat i save stap long Banana setolmen klostu long wara Bumbu.
3.WOKABAUT BILONG LEN
Long ol Katolik bilipmanmeri, taim bilong Len i stat pinis.
Aste, em i Es Trinde we i statim foapela ten, 46 dei wokabaut, inap long Ista Sande, we Jisas Krais, i bin kirap bek long indai.
Ol Kristen bilong Santu Josep Peris long Pot Mosbi, aste i kisim esis, we i statim Len, taim bilong mekim penens, hapim kaikai, beten na tok sori long rere long bikpela pestode bilong Ista.
NA LONG SPOTS NIUS:
4.SP SPORTS AWOD
Pasin bilong luksave long ol pilai manmeri insait long Papua Niu Gini, i stat gen.
SP, wanpela kampani long kauntri, tete i bin tokaut long dispela resis ol i kolim lo SP Sport Awards.
Toksave bilong ol husat bai i win, bai kamap long mun Mei.
https://youtube.com/watch?v=9HKXih41jrY%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
