30.7 C
Port Moresby
October 26, 2021
News Tok Pisin Nius

5 Mei | EMTV Nesenel Nius Hetlain Long Tok Pisin

 

Hia nau em ol EMTV nesenel nius hetlain long tok pisin…

 

1.ENGA GAVANA LAIKIM OL SUMATIN GO BEK SKUL

Gavana bilong Enga, Sir Peter Ipatas, i singaut long ol sumatin long Yunivesiti bilong Papua Niugini, na ol arapela yunivesiti, long go bek skul.

Sir Ipatas i tok dispela kros namel long ol sumtain nau em i no gutpela, na pasin politiks i stap long as tru bilong en.

Em i mekim dispela singaut taim ol sumatin long ol yunivesiti i wok long bung wantaim long pasim skul sapos Praim Minister Peter O’Neill i no lusim wok na sanapim bek Nesenel Frod na Anti-Korapsen Dairektret.

 

2.UNITECH I VOT LONG PASIM SKUL

Ol sumatin long Yunivesiti bilong Teknoloji long Lae i go het long vot long pasim skul.

Ol opisal bilong Ilektorel Komisin i stap lukautim dispela ileksen, na ol i tokaut olsem klostu olgeta sumatin long yunivesiti i vot pinis.

Ol sumatin i go insait long namba tu wik nau long protes na askim praim minista Peter O’Neill long lusim wok na sanapim bek Frod Skwod.

 

3.KOT TOK WAIPO OLSEM CS KOMISINA

Nesenel Kot long Pot Mosbi i tokaut tete olsem Michael Waipo em i koreksenal sevises komisina.

Jastis Kolin Makail i mekim dispela disisen bihain long tupela mun kot i bin ron.

Nesenel kot i givim oda long Michael Waipo i mas go bek olsem Komisina, na Ekting CS Komisina we Nesenel Ekseketiv Kaunsil i bin makim, Bernard Nepo, bai mas lusim dispela opis.

 

NA LONG SPOT NIUS BILONG TETE:

 

4. EMTV BAI SOIM PASIFIK TEST PILAI LONG SARERE DISPELA WIK

Ol ragbi lig sapota long olgeta hap kona bilong kantri bai inap lukim bikpela Pasifik Test pilai namel long Fiji na PNG, na Samoa na Tonga, long Sarere dispela wiken, long EMTV.

Namba wan pilai namel long Fiji Bati na PNG Kumuls, bai kikof long hap pas 5 long Sarere apinun.

Namba tu pilai namel long Samoa na Tonga, bai bihainim gem namel long Fiji na PNG.

Olgeta Ragbi Lig sapota long kantri i noken wari long baim kredit long lukim dispela pilai. Ol i ken onim EMTV tasol, na lukluk fri.

https://youtube.com/watch?v=pwYTbzjiERE%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

National Alliance Pledges K50,000 to Paramana United Church

EMTV Online

Common Kings Concert

EMTV Online

Rare, 25-Carat Pink Diamond Found Among Imelda Marcos Collection: Christie’s

EMTV Online
error: Content is protected !!