Hia nau em ol nius long tok pisin:
1. LOYA SANAP KOT LONG ASKIM LONG BEIL
Loya man husat i bin sutim na kilim dai meri bilong em wantaim gan, Felix Kange, i sanap kot tete long askim long beil.
Polis i bin sasim em aste long dai bilong meri bilong en.
Meri bilong en, Regina Morovo i bin dai taim gan Kange i bin holim i bin paia na sutim em.
2. PAPA LONG LAE LAIKIM DET PENALTI BILONG MAN I KILIM PIKININI MERI
Papa bilong wanpela gred 9 sumatin, we ol man i bin reipim na kilim em i dai, i singaut long kot i mas givim det penalti long ol dispela man nogut.
Henrietta Jimmy i bin lus sampela wik i go pinis, na bihain, ol i bin painim bodi bilong em long wara Markham.
Papa bilong en i tok ol man i mekim dispela pasin long pikinini bilong em, i nogat rait moa long stap laip.
3. OL HETMASTA BILONG OL SEKONDERI SKUL TOK MEKIMSAVE WETIM OL BIKHET SUMATIN
Ol hetmasta bilong tupela sekondri skul long Mosbi, tete i tokaut olsem bihain long polis i sasim ol man na meri sumatin husat i bin hait na dring, skul yet bai lukluk long ol mekimsave ol i ken givim long ol sumatin.
Dispela tupela skul em Gordons, na Tokarara Sekondri.
NA LONG SPOT NIUS BILONG TETE:
3. PNG MAN TAS TIM NAMBA TRI LONG WOL
Tim bilong ol PNG Man long tas, nau i sanap namba tri long wol, na namba wan long Pasifik.
Ol i bin mekim nem long 2015 taim ol i bin pilai strong long wol kap long Saut Afrika.
Bihain long en, ol i bin strong na winim gol long Pasifik Gems.
