News Tok Pisin Nius

9 Mas | EMTV Nesenel Nius Hetlain Long Tok Pisin

 

Hia nau em ol EMTV nesenel nius hetlain long tok pisin…

 

1.KANTRI NOGAT STRETPELA NAMBA LONG OL DIWAI

Loging indastri long kantri I save mekim moa long 300 milian kina winmani olgeta yia, tasol hevi long nogat stretpela namba bilong ol diwai long kantri, nau I wok lukim planti daunim tok long indastri long PNG.

Praim Minista Peter O’Neill I tok I bin I gat ol wok stretim I kamap insait long loging na forestri sekta, tasol hevi bilong nogat stretpela namba bilong olgeta kain diwai long kantri, I stap yet.

Mista O’Neill I mekim dispela toktok taim em I lonsim namba wan nupela rot bilong sekim na kaunim olgeta namba bilong ol diwai.

Dispela nupela system, em gavman I ken yusim long painimau hamas diwai, na wanem kain ol diwai I stap yet long kantri, na hamas I lus pinis.

 

2.HEVI BILONG KLAIMET SENIS PAINIM OL LAIN LONG LIHIR AILAN

Climate Change, o senis long strong bilong san na ren, nau I kamap bikpela hevi long ol pipel bilong ples Putput long Lihir Ailan.

Dispela ol hevi nau I lukim planti ol lapun long ailan I painim rot bilong holim strong ol tumbuna graun bilong ol. We nau, solwara I wok long pinisim.

Ol lapun I tok ol I save olsem bai solwara I daunim yet graun, tasol ol I gat bilip long holim strong yet graun bilong ol.

 

3.CITY PHARMACY LONSIM NAMBA 10 PRIDE OF PNG AWOT

Bikpela supamaket kampani, City Pharmacy Limited, tude I lonsim namba 10 Pride ov PNG Awot bilong ol meri.

Dispela awot nau I painim tenpela krismas, na em I kamap long tingting bilong CPL long luksave long ol strongpela meri husat I mekim wok we I strongim kantri.

 

NA LONG SPOTS NIUS:

 

1.EMTV EM I OPISEL BRODKASTA BILONG FIFA ANDA 20 WOL KAP BILONG OL MERI

Nambawan Stesin bilong yu, EMTV em I winim luksave olsem opisel brodkasta bilong FIFA Anda 20 Wol Kap bilong ol Meri.

Dispela bikpela tonamen bai lukim PNG I pilai agensim planti ol arapela fubol kantri long wol.

Ol lain I lukluk bihainim dispela ol pilai long EMTV, bai inap kisim olgeta stori bilong tonamen long mobail fon, redio wantaim.

Dispela bikpela wol tonamen bai kamap long pinis bilong Mun Novemba.

Aste nait I lukim lonsim bilong Emblem bilong Tonamen, we ol I lonsim aste nait hia long Pot Mosbi.

https://youtube.com/watch?v=7Q4hWHTbc8Q%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Central Provincial Transport Authority Donates to Children’s Ward

EMTV Online

Australia Begin Rugby World Cup Campaign with a Win

EMTV Online

GoPNG Responds to Southern Highlands Unrest

Fabian Hakalits

Leave a Comment

error: Content is protected !!