Hia nau em ol EMTV nesenel nius hetlain long tok pisin…
1.KALABUS GIVIM HEVI LONG LAE POLIS
Ronawe bilong ol kalabus man long Buimo haus kalabus, nau i wok givim bikpela hevi long polis long Morobe.
Nau yet, polis wok I bruk namel, we sampela I mekim wok bilong ol, na ol arapela I raun painim ol ronawe kalabusman.
2.OL HEVI LONG BUIMO HAUS KALABUS
Ol Koreksenal Sevis opisa, I belhat tru long I nogat luksave I kam long gavman, long sindaun nogut bilong ol haus kalabus long kantri.
Planti ol opisa I tokaut olsem I nogat inap wasman bilong ol haus kalabus, na dispela I save lukim ol opisa I kisim taim long mekim dabol wok.
Insait yet long banis, ol woda I tokaut olsem ol rum slip I pulap nogut tru, na ol kalabus I save senis senis long silip long floa. Dispela em wanwan tasol long planti ol hevi I stap insait long ol haus kalabus, na ol kalabus man I wok traim long ronawe.
3.PNG HALIVIM FIJI WANTAIM K5.5M
Praim Minista Peter O’Neill I tokaut olsem dispela wik, Papua Niugini bai givim 5.5 milian kina long Fiji, long halivim ol long wok stretim ples, bihain long bikpela raunwin Winston I paitim ol las wik.
4. POLIS SASIM PAPA BILONG RABAUL SHIPPING
Polis long Kokopo I sasim pinis papa bilong Rabaul Siping, Peter Sharp.
Sharp, na kepten bilong wanpela ol lain sip bilong en, em polis I sasim ol tude bihain long MV Kimbe Queen I bin bagarap na pas antap long nambis bilong Nu Briten las yia.
NA LONG SPOTS NIUS:
1.WES NU BRITEN GAVMAN HALIVIM I STAP
Maski PNG Spots Faundesen I katim baset bilong en bilong Namba 7 PNG Gems long Kimbe, inap long K5 milian, Menesa bilong Host Ogenaising Komiti, Freddie Matthies, I tok em I wok toktok wantaim provinsal gavman, long kisim moa mani halivim.
Matthies I tok I no long taim I go pinis, Provinsal Gavman I bin oraitim moni plen bilong ol, we i gat makim bilong K20 milian I go long apgredim ol spot pilai ples, na wok bilong ron long dispela tupela wik bilong PNG Gems long mun Novemba.
https://youtube.com/watch?v=4E0psbyMkxA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
