24 C
Port Moresby
January 26, 2021
News Tok Pisin Nius

17 Mas | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.BIPO NCD POLIS BOSMAN SANAP KOT

Bipo NCD polis bosman, Andy Bawa, tude I sanap long Waigani Komital Kot.

Kot I tokim polis olsem ol I gat tupela mun long mekim wok painim long ol sut tok olsem Mista Bawa I bin paulim mani.

Mista Bawa I sanap wantaim loya bilong em, long ai bilong Sinia Majistret, Cosmas Bidar.

Bawa nau I stap aut long wan tausen kina beil.

 

2.NCD POLIS KOMANDA GIVIM STRONGPELA TOK LUKAUT                                        

Nesenel Kapitel Distrik Komanda, Sylvester Kalaut, I givim strongpela tok lukaut long ol polismanmeri, long ol I noken paitim nating ol manmeri long pablik.

Kalaut I givim dispela tok lukaut, bihainim sampela ol polisman I wok paitim nating ol manmeri, na bagarapim ol.

 

3.TELIKOM PNG OPIM DATEC OPIS LONG HAGEN

Telikom PNG, nau bai go bikpela long wok divelopmen long ol han bisnis bilong en.

Sif Eksektiv Opisa bilong Telikom PNG, Michael Donnelly I tokim EMTV olsem Telikom I gat moni plen inapim 400 milian kina, long wok we bai kamap dispela yia.

Mista Donnelly I tok wok bai go het long sanapim 4G mobail netwok bilong en, na em bai lukluk tu long kirapim dijital pletfom bilong EMTV, wantaim wanpela nupela dijital rekoding studio.

Mista Donnelly I bin tokaut long ol dispela wok divelopmen long Hagen tude, long opim bilong nupela stua bilong Datec PNG.

 

NA LONG SPOTS NIUS:

1.BOKSING KISIM PLANTI NUPELA SAVE

Het Kosa bilong PNG Boksing, Joe Aufa, I tokaut pinis olsem em I bin kisim bikpela save tru long ol wanlain kosa bilong Australia, Malesia na Filipins.

Aufa I bin sindaun long wanpela tu-wik hai pafomens trening I bin kamap long ples Baguio, long Filipins.

 

2. NSL GREN FAINAL BAI BIKPELA

Telikom Nesenel Soka Lig Gren Fainal bai lukim ol sempion bilong las sisen, Lae City Dwellers, I bungim nainpela taim NSL wina, na strongpela tim long resis nau, Hekari United.

Ol men’sa bilong tupela tim wantaim I bin bung tude, long gren fainal pres konfrens, wantaim ol bosmanmeri bilong Telikom PNG, and ol memba bilong PNG Futbol Asosiesen.

https://youtube.com/watch?v=I57APaO1o84%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Second National Tokples Scripture Conference

EMTV Online

400 boxers to compete in NationalBoxing Championships this weekend

EMTV Online

Community reaps dividends in SME project

EMTV Online
error: Content is protected !!