Ol Nius Hetlain
Olgeta yia long namba 23 dei blong mun Julai, em, yumi save tingim ol lain tumbuna blong yumi, husait i bin pait na lusim laip blong ol long bikpla ol woa.
Namel long ol lain manmeri, husait i makim displa dei, tete moning (23 Julai), em wanpla bipo soldia man, NEPE KUMANYOL
Taim em i bin yangpla man, KUMANYOL, i bin halivim ol soldia blong Australia na Amerika, taim ol i kam pait agensim ol Syapan long Mosbi.
Long makim displa bikpla dei, wanpla Wol Woa Tu memoryal plaque, em ol i lonsim tete long ples Naduri, long Sentrol Provins.
Ol i sanapim displa siment long makim OVORU IDIKI, wanpla man husait i bin wok olsem wanpla man blong halivim ol soldia, taim pait i bin kamap long ples Kokoda.
Pikinini blong em, JOEL, i tok em i bikpla samting long i gat luksave long papa blong em , na tu, long givim biknem long ples blong ol, Naduri.
