Hia nau em ol EMTV nesenel nius hetlain long tok pisin…
1.OC KISIM HAUS PROJEK
Minista bilong Haus na Ebenaisesen, Paul Isikiel, tude I givim ol ki na taitol bilong graun I go long Ombudsman Komisin long givim long ol wokmanmeri bilong ol.
Dispela em I namba wan haus projek we I kamaut long Nesenel Hausing Estet Limited, em bisnis bilong Nesenel Hausing Koporesen.
Minista Isikiel I tok dispela givim bilong ol ki na taitol bilong graun, em I namba wan projek bilong NHEL, na bai gat moa hausing projek bai kamap long kantri.
2.YANGORU SAUSSIA WARA PROJEK
Yangoru-Saussia long Is Sepik provins, em I namba wan distrik long kantri we wara kampani, Water PNG I sanapim wanpela Pekes Wara Tritmen Plen.
Dispela toksave I kam long Water PNG Enjinia, Rachael Ivai.
Dispela I kam aninit long Yangoru Taun Wara Saplai Projek, we bai pulim wara I go long ol haus insait long distrik yet.
3.NOGAT FRI SAMTING
Em bai nogat fri samting I go long ol pipel insait long Yangoru-Saussia ilektoret.
Lokol Memba Richard Maru, I givim strongpela tok lukaut long ol asples manmeri, olsem nogat wanpela gavman sevis bai go insait long ples bilong ol, inap I gat klia pasin bilong lukautim gut ol sevis.
Mista Maru I toktok long ples Yobomunuh long Wes Sepik, na tok olsem pasin bilong givim fri samting, I mekim ol pipel I skin les long wok strong na kisim samting long laip bilong ol.
Dispela yia, ol wok divelopmen bai go long stretim ol rot, wara saplai, skul na ol haus tisa long ples Buki.
4. NOKEN WESTIM WARA
Menesing Dairekta bilong wara kampani, Eda Ranu, Henry Mokono, I wari tru olsem ol manmeri long Pot Mosbi siti I wok long westim o tromoi nating wara.
Mokono I tok olsem ol manmeri long siti I noken ting olsem bikpela ren I wok pundaun I wok long apim wara mak long Sirinumu dem.
Em I salim strongpela tok askim I go long ol manmeri long Mosbi siti gen long noken yusim nating pawa na wara, inap taim bilong drai I pinis.
NA LONG SPOTS NIUS:
1.MOTLOK AILAN MAN AUTIM TOK BILONG KLAIMET SENIS
Wanpela grup man, ol I kolim ol yet Hakatau’tai, na I makim Tasman, Fead na ol Motlok ailan long Autonomous Rijen bilong Bougainville, nau I autim tok long ol hevi bilong si mak I go antap, na klaimet senis.
Wok bilong ol em I no long ragbi fil tasol.
Ol I wok long autim tok moa bai I gat luksave long hevi bilong ol pipel bilong ol.
https://youtube.com/watch?v=2dHZkYnoExA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
