Hia nau em ol EMTV nesenel nius hetlain long tok pisin…
1. TELEFOMIN IGAT NIUPLA POLIS HAUS NA STESEN
Telefomin District lo West Sepik i gat ol niupla haus bilong ol polisman na meri na ol niupla polis stesen.
Member blo Telefomin Solar Mirisin tok bikhet na raskol pasin I got bikpla lo hap na disla ol niupla haus na stesen bai pulim ol polis man meri Igo wok long hap long daunim disla ol pasin nogut.
Minister blong Finance James Marape I go lo Telefomin taim ol I laik opim ol disla haus na polis stesen.
2. STRONGIM POLIS WOK LONG SOLWARA
Police fos I lukluk strong long bringim back wanpla lo bai strongim gen wok bilong ol polis bilong lukautim solwara ol I kolim sea policy.
Polis Minister Robet Atiyafa I mekim disla toktok behainim planti ripot olsem ol raskol I woklo bagarpaim ol manmeri long solwara.
Long planti provins igat polis bilong solwara, ol boat bilong ol I no wok moa.
Minister Atiyafa I tok ol I salim pinis sampla lain I go long kauntri Korea lo kisim save na skelim gut we bilong ronim gut disla kain polis wok.
3. NEPO EKTING CS KOMISINA
Bernard Nepo I kisim sia bilong Koreksenol Servis Komisina tete long abinun.
Bihain long em I kamap long CS het kota na kisim sia, Nepo yet i bung wantaim ol niusman meri na I tokaut long dispela senis . Em i soim tu wanpla leta i kam long nesinol ekseketiv kaunsol igat han mak bilong prime minister we I toksave olsem Nepo I ekting komisina.
Nepo I tok klia long ol manmeri olsem dispel senis bai ino nap kamapim heve.
NA LONG SPOTS NIUS:
4. Basketball Federesen igat niupla bos man
PNG Baskeball Federesen I makim niupla bossman pinis, em Joel Khalu.
Khalu tok Federesen igat bikpela laik long wokim baskeball I kamap bikpla insait long PNG.
https://youtube.com/watch?v=w-hquVr16so%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
