GUTNAIT TRU, Hia nau em nius long tok pisin
US ADMIRAL INAUGURAL VISIT
Wanpla komanda bilong Indo-Pasifik Komand bilong Amerika Militri, ADMIRAL PHILIP S. DAVIDSON, i mekim namba wan raun bilong em i kam long Mosbi tete.
Minista blong APEC, JUSTIN TKATCHENKO, na APEC Sif Ekseketiv Ofisa, CHRIS HAWKINS i bin kisim erm raun long lukim ples we olgeta ron bilong bikpla kibung bilong ol APEC lida bai kamap long en long mun Novemba.
Raun bilong em i kamap long strongim tokwanbel namel long Amerika na PNG, we Amerika bai lukautim wok sekyuriti bilong APEC Haus.
EXERCISE PARADISE BEGINS
Tete i lukim tu opim bilong wok trening bilong ol Nevi bilong PNG na Australia.
Displa trening, em ol i kolim EKSESAIS PARADISE 2018, na i kamap long Fairfax Harbour long Mosbi.
Nevi sip blong PNG, HMPNGS Lakekamu, i lukautim ron blong displa trening, aninit long lukaut blong PNGDF Komanda WILLIE GALIA.
Displa tupla-wik trening we i lukluk long maritaim o solwara sekyuriti blong APEC lida kibung long Novemba.
EM TASOL NIUS LONG TOK PISIN, Goodnight tru.
