News Tok Pisin Nius

3 Mas | EMTV Nesenel Nius Hetlain Long Tok Pisin


Hia nau em ol nius long tok pisin…

 

1. SIK KENSA EM BIRUA BILONG OL MERI

Sik kensa I kamap namba wan bikpela birua bilong ol meri long Papua Niugini.
Dispela toktok I kam long Dokta Arnold Waine, em dokta bilong sik kensa long Pot Mosbi Jeneral Haus sik.

2. GAVANA JENERAL KAM BEK WOK

Gavana Jeneral, Gren Sif Se Michael Ogio, I kam bek long wok tude, bihain long em I lusim faivpela mun, long kisim halivim long haus sik.
Se Michael Ogio I bin go long Raffles Haus sik long Singapo, long mun Oktoba las yia.
Bikos ol dokta I katim em, Se Michael I kisim tok stia long em I mas stap aut long wok inap em I pilim strong gen.
Em I bin go long Singapo long mun Februari bai ol dokta I sekim em gen, na nau moning, em I kam bek long wok bihain long ol dokta I givim tok orait long em.

3. SENTRAL BENK RAUSIM OL LOA BILONG STOPIM PASIN HAITIM MANI

Benk bilong PNG, tude I tokaut long ol nupela loa bilong pait agensim pasin bilong haitim na salim mani I go aut long kantri, na tu, pasin bilong givim mani long ol lain teroris.
Gavana bilong BPNG, Loi Bakani, I tok dispela I kamap bihainim wanpela ripot I tok PNG I nogat ol strongpela banis agensim ol dispela kain stil pasin.
Ol benk, bisnis na gavman nau bai kisim strongpela moa glasim I kam long Sentral Benk.

NA LONG SPOTS NIUS:

1. STONE BELHAT SINDAUN BILONG TAEKWONDO

Man husat I sanapim Wol Taekwondo Federesen long kantri, Jamuga Stone, I autim belhat bilong em long ol lain I go pas long Taekwondo, na tok I gat wanwan ol man I wok long stiaim Taekwondo, na dispela pasin I mas pinis nau.
Stone I tok em I givim Taekwondo PNG tupela wik long ol I mas sanapim wanpela Enual Jeneral Miting na glasim wok bilong Federesen long PNG.

https://youtube.com/watch?v=p3js6WGAnLE%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

TIPNG: PNG Percieved Corrupt

EMTV Online

NBC Daru To Undergo Major Maintenance

Michelle Steven

Roads, school promised for Deyamos LLG in Morobe

Scott Waide

Leave a Comment

error: Content is protected !!