Hia nau em ol EMTV nesenel nius hetlain long tok pisin…
1.PNG NA INDIA SAINIM FOAPELA BIKPELA TOK WANBEL
Gavman bilong PNG na India i sainim foapela bikpela tok wanbel long wokbung wantaim.
Dispela saining seremoni i kamap long ai bilong Praim Minista Peter O’Neill na presiden bilong India, Pranab Mukherjee tete.
2.LENDS DIPATMEN BAI GLASIM LOA BILONG GRAUN
Lens Dipatmen bai glasim loa bilong graun.
Bai gat ol kibung i go het raunim kantri long larim ol gavman dipatmen, non gavman ogenaisesen na pablik long givim tingting bilong ol long wanem ol samting i mas go insait long senisim loa.
Lens Minista, Benny Allen i tok wanpela senis em long larim ol asples PNG manmeri tasol long holim taitol bilong ol graun.
3.PLANTI HANDRET MANMERI KAMAP LONG MATMAT BILONG AGIRU
Planti handret manmeri i bin kamap long Se John Guise Indo Stedium long Pot MOsbi long tok gutbai long Hela Gavana Anderson Agiru.
Dispela sevis em i namba wan sevis bihain long em i lusim laip aste.
NA LONG SPOTS NIUS:
1.TIM PNG REDI LONG RIO OLIMPIKS
Ol etlit o spotmanmeri bilong PNG nau i wok redi gut long kwolifai bilong Olimpik Gems.
Meri i go pas long Tim PNG, Emma Waiwai i tokaut tete olsem ol spotmanmeri bilong kantri bai makim gut PNG.
Em i tok lonsim bilong nupela tim PNG kala i soim stret kala bilong kantri na ol bai karim gut nem bilong PNG long mun Ogas long Rio.
29 Epril | EMTV Nesenel Nius Hetlain Long Tok Pisin, em tv, tok pisin nius, png tv, png tok pisin nius, png nius,
