Nius Hetlains
Wok blong Nesenol Hausing Koporesen long Is Sepik, i kamap long palamen tete.
Igat ol sut toktok tu, olsem graun we opis blong en i sanap long en, ol i salim pinis.
Memba blong Ambunti Drekirkir, JOHNSON WAPUNAI, i askim Minista blong Hausin, JOHN KAUPA, sapos em i save long salim blong displa hap graun.
Long displa as, na wok blong NHC long provins, ino ron moa.
Sikspla rot bai ol i opim long givim moa rot long ol kopi fama long ol busples long hailens, long kisim kopi blong ol igo aut long salim.
Siaman blong Kofi Indastri Koporesen (Coffee Industry Corporation), IAN MOPAFI, i tok ol rot nogut em i save passim kopi produksen long ol busples, na em i tok, welkam long gavman long luksave long ol displa rot, insait long medyum tem developmen plen blong en.
