29 C
Port Moresby
December 14, 2019
News Tok Pisin Nius

19 Mei | EMTV Nesenel Nius Hetlain Long Tok Pisin

Hia nau em ol EMTV nesenel nius hetlain long tok pisin…

 

1.NCD GAVANA POWES PARKOP KISIM ASKIM PEPA LONG OL UPNG SUMATIN

Gavana bilong Nesenel Kapitel Distrik, Powes Parkop i kisim pinis askim pepa bilong ol UPNG sumatin.

Gavana Parkop i tokim ol Sumatin olsem em yet bai go na lusim long han bilong Praim Minista Peter O’Neill.

Presiden bilong UPNG SRC, Kenneth Rapa, i tok ol sumatin i laikim Praim Minista long lusim opis bilong en insait long 24 awa. Sapos nogat, bai ol sumatin i lusim skul olgeta.

Praim Minista Peter O’Neill i tokaut nau apinun, olsem em i kisim pinis askim pepa bilong ol sumatin.

Em i tok tenkyu long ol sumatin long givim gut dispela pepa.

Mista O’Neill i tok sampela ol sut tok insait long dispela askim pepa, i stap yet long ai bilong kot, na bekim long dispela askim pepa bai givim tok klia.

 

2.NOGAT WANPELA HEVI LONG MOSBI

Tete i bin ron gut tasol long Mosbi siti.

Planti kar i no ron long rot, tasol olgeta samting i stap isi tasol. Sampela ol praimeri na sekendri skul i no op.

Dispela i bihainim ol toksave olsem ol sivil sosaiti na yunien lain bai stopim olgeta samting.

 

3. KOT TOK NOGAT LONG ASKIM BILONG UPNG SRC

Jas David Cannings, tete i tok nogat long wanpela kot askim i kam long UPNG SRC, long polis i mas lusim UPNG.

Aste ol sumatin i bin askim long wanpela harim kot long kisim oda long rausim polis long UPNG.

Tasol Jas Cannings i tok i nogat inap evidens i soim olsem polis i wok kamapim ol hevi long ol sumatin.

Polis i bin go insait long UPNG bihainim askim bilong UPNG Administresen yet.

 

NA LONG SPOT NIUS BILONG TETE:

 

4. PROGREM BILONG HUNTERS EM I STRONGPELA

Sif Ekseketiv Opisa bilong PNGRFL, Bob Cutmore, i tok ofa bilong Melbon Storm long Justin Olam em i soim klia olsem program bilong SP PNG Hunters, em i strongpela program.

Cutmore it ok wok bilong Kosa bilong Hunters, Michael Marum, na ol sapot kosa na trena bilong en, i wok long givim gutpela rot long ol yangpela pilaia bilong Hunters long mekim nem.

https://youtube.com/watch?v=1hqHdSs6INY%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Nation Resorts to Agriculture to Tackle Food Shortages

Joanita Nonwo

WHO Calls for Countries to End Illicit Tobacco Trade

EMTV Online

PM O’Neill Commends Churches for Health Service Delivery in PNG

EMTV Online
error: Content is protected !!