Hia nau em ol EMTV nesenel nius hetlain long tok pisin…
1. OPOSISEN INO WARI
Oposien ino wari long ol memba bilong gavman I stap long Alotau, Milne Bay Provins.
Oposisen Lida DON POLYE, I tok olsem ol memba bilong palamen mas tingting stret long taim bilong makim vot I nogat bilip.
Long dispela taim, Oposisen Lida I bin mekim dispela toktok, Is Sipik Gavana Gran Sif Sir MICHAEL SOMARE I bin stap tu long harim na lukluk long bung bilong Oposisen tete.
2. MICAH I TOKBAK
Aste Minista bilong Finans JAMES MARAPE I tok olsem Pipol’s Progress Pati Lida BEN MICAH ino bin kisim tok orait long holim ministry bilong Deputi Praim Minista.
Marape I tok olsem em tasol asua long mekim MICAH gim sapot I go long Oposisen.
Tasol tete morning, Kavieng MP Ben Micah I tok olsem dispela toktok Finans Minista I bin mekim ino tru.
3. ORO PROVINS I OPIM NUPELA BRIS
Ol pipol bilong Nothen Provins I bin hamamas tete long opim bilong 3pela nupela bris.
Dispela ol nupela bris bai halivim ol pipol long kisim gavman sevis na tu bai opim rot bilong ol plesmanmeri long karim maket kaikai bilong ol long salim.
Ol dispela ol bris em Eroro, Girua na Ambogo. Ol I mekim dispel bris long 139million KINA
NA LONG SPOT NIUS:
4. STRONG BILONG COLE
Het Kosa bilong ol PNG Anda 20 wimens Nesenal Tim, LISA COLE, i luksave long bikpela wok bilong en.
Em I go pas long redim ol anda 20 meri husat bai makim kantri long Novemba long Wol Kap.
Cole I tok em I wok lukluk long ol dispela yangpela meri long trenim ol I kamap ol strongpela soka meri bilong bihain taim.
