32 C
Port Moresby
April 21, 2021
News Tok Pisin Nius

11 Mei | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin… 

 

1.GAVMAN MATMAT BILONG AGIRU

Planti handret manmeri bin kamap long gavman matmat o stet funeral bilong Hela Gavana, Leit Anderson Agiru tete.

Praim Minista Peter O’Neill i bin stap wantaim ol arapela palamen memba na bikmanmeri.

Pastaim long matmat i go het, kofin bilong Agiru i bin sindaun long Palamen Haus.

 

2.OL YUNITEK SUMATIN AUTIM TINGTING LONG PABLIK

Moa long 3000 sumatin bilong Yunivesiti ov Teknoloji na Nesenel Politeknik Institiut i bin brum i go long Eriku fil long 9 kilok nau moning, long mekim dispela wok awenes bilong ol.

Tok orait bilong dispela bung i kam aste apinun bihain long longpela tok pait namel long Lae Metropoliten Suprintenden Anthony Wagambie, na ol lida bilong ol sumatin.

Polis i givim tok orait long ol sumatin long bung long Eriku, tasol i gat strongpela ol stia tok ol i givim ol sumatin, long ol i noken kamapim hevi.

 

3. RIPOT LONG BALUS BIRUA LONG KIUNGA I KAMAUT

Papua Niugini Eksiden Investigesen Komisin tete i autim wanpela priliminari ripot long balus birua i bin kamap long Kiunga long Epril 13.

12-pela manmeri i bin dai.

Sif Ekseketiv Opisa bilong AIC, David Inau, i autim dispela ripot, bihainim intanesenel loa long ol kain balus birua olsem.

 

NA LONG SPOT NIUS BILONG TETE:

 

4. SPOTS MINISTA AMAMAS LONG KUMULS

Minista bilong Spots, Justin Tkatchenko, i tok amamas long PNG Kumuls sait i bin daunim Fiji Batis long wiken.

Em it ok olsem i gat bikpela plen i stap bilong PNG Ragbi Futbol Lig, na Kumuls, long apim nem bilong kantri.

https://youtube.com/watch?v=IZ-ymNIOmLM%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Police To Investigate Papuan Compound Land Sale

EMTV Online

School Data Important for effective Free Education policies

Adelaide Sirox Kari

Australia Week Celebrated With Artwork

EMTV Online
error: Content is protected !!