Hia nau em ol EMTV nesenel nius hetlain long tok pisin…
1.KIBUNG BILONG OL ACP KANTRI I PASIM DUA LONG MOSBI
Bikpela kibung bilong ol lida bilong ol kantri long Afrika, Karibien, na Pasifik, tete i pinisim sindaun bilong en.
Praim Minista Peter O’Neill, husat i siaman bilong dispela kibung we i kamap long Mosbi dispela wik, i tok dispela kibung i bin kamap gut, na i ken karim ol ACP kantri i go het moa.
Namel long ol bikpela disisen o bungim tingting i kamaut long dispela kibung, em long wanwan ol memba kantri bilong ACP, i mas sanap long moni strong bilong ol yet.
2.OL MERI BILONG OL OVASIS LIDA AI OP LONG KALA BILONG MOSBI
Taim ol lida bilong ol ACP kantri i wok long sindaun long bikpela kibung bilong ol, ol meri bilong ol tu i gat program long bihainim.
Aninit long stia na lukaut bilong meri bilong Praim Minista Peter O’Neill, Linda Babao O’Neill, ol meri lida i bin raun i go lukim sampela long ol turis ples i stap long Mosbi.
Tete long avinun, EMTV i bin painim ol long wanpela kraf maket we PNG Wimen in Bisnis i bin sanapim bilong ol.
3.FOREN EKSENS MONI HEVI HOLIM OL BISNIS LONG LAE
Wanpela olpela menufeksaring kampani long kantri, KK Kingston, i tokaut pinis olsem em bai mas pinisim sampela long 800 samting wokmanmeri bilong en, sapos hevi blong foren eksens i sot yet long ol mun i kam.
Bosman bilong KK Kingston, Michael Kingston, i tok hevi nau i stap i wok long pasim han bilong ol bisnis long baim ol kago long ausait long kantri.
NA LONG SPOT NIUS BILONG TETE:
4. MARUM MEKIM SENIS LONG LAINAP BILONG HUNTERS
Ol hevi long bodi na ol sas long pilai krangi nau i lukim Kosa bilong SP Hunters, Michael Marum i mekim sampela bikpela senis long skwad bilong en agensim Northern Pride.
Marum i makim wanpela 20 man skwad wantaim Prop Esau Siune, na bekrowa Ishmael Balkawa, husat nau bai kam insait long tim.
https://youtube.com/watch?v=ItNAXiRHaZA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
