31 C
Port Moresby
May 6, 2021
Tok Pisin Nius

23 Mei | EMTV Nesenel Nius Hetlain Long Tok Pisin

Share the News

Hia nau em ol EMTV nesenel nius hetlain long tok pisin…

 

1.TOKTOK LONG SABL KAMAP BIKPELA LONG LAE KIBUNG

I gat bikpela tok nogat long ol Spesol Agrikalsa Bisnis Lis (SABL) long namba wan de bilong kibung bilong Lens Dipatmen we i kamap long Lae tete.

Dispela woksop em i kam aninit long wanpela program bilong kisim tingting bilong pablik long ol senis ol i laik i mas kamap long Land Act o loa bilong graun 1996.

Ol papagraun yet i bin belhevi tru long ol SABL, long wanem planti long ol i lusim graun bilong ol long ol loging kampani bilong ol arapela kantri.

 

2.SAVEMAN BILONG SIK KENSA NO KISIM YET PEI INAP SIKSPELA MUN

Spesolis, o saveman bilong sik kensa long Angau hausik, Dokta John Niblett, i tok em i no kisim pe sikpela mun olgeta, na i no kisim yet liv pe bilong en.

Las wik, Helt Dipatmen i tokim em olsem ol bai no inap long sainim nupela kontrak wantaim em.

Dokta Niblett i wok long askim long kontrak bilong en long mun Desemba 2015 yet, tasol i no kisim wanpela bekim inap taim ol i laik rausim em long kantri.

 

3. NGO LAIKIM MOA LUKSAVE BILONG BANISIM FEMILI EKT

Wanpela N-G-O grup, Koalisen bilong Senis, i no long taim i go pinis, i bin sindaunim Anuel Jeneral Miting bilong en, na i tok namba wan bikpela luksave bilong ol em i kamap bilong dispela Family Protection Act 2013.

Tok Awenes long dispela banisim famili ekt na save long rot bilong kisim ol Intarim Proteksen Oda na Pemanen o longpela taim Proteksen Oda aninit long ol loa bilong Distrik Kot.

 

NA LONG SPOT NIUS BILONG TETE:

 

4. NAMBA WAN MERI BASKETBOLA BAI TOKTOK LONG SP SPORTS AWARDS

Namba wan meri basketbola bilong Australia, Lauren Jackson, bai kam long Mosbi long givim namba wan bikpela toktok long SP Spots Awods nait.

Jackson, husat i bin lusim basketball long kirap bilong yia, i gat nem olsem wanpela long ol top meri basketbola long wol.

Em i bin winim NBA sempionsip bilong ol meri long Amerika pinis.

https://youtube.com/watch?v=-M3Zs_yUG50%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

8 Novemba | EMTV Nesenel Nius Long Tok Pisin

EMTV Online

31 Jenueri | EMTV Nesenel Nius Long Tok Pisin

EMTV Online

6 Mei | EMTV Nesenel Nius Long Tok Pisin

EMTV Online
error: Content is protected !!