Hia nau em ol EMTV nesenel nius hetlain long tok pisin…
1.WOBIRO WINIM KOT
Ati Wobiro nau I klia long holim wok olsem Gavana bilong Westen Provins.
Wobiro I winim luksave bilong kot long ileksen kot we bipo gavana, Dokta Bob Danaya, I bin kirapim fopela yia I go pinis.
Jas, Derek Hartshorn, I mekim dispela disisen bikos em I tok ol stori I kam long Dokta Danaya, I nogat strong.
Danaya I kirapim kot agensim Wobiro na tok olsem Wobiro I wok long givim grismani long ol vota bai ol I votim em. Kot I tok dispela em I no tru, bikos Wobiro I bin kisim balus I go long ples long dispela taim Danaya I tok em I wok baim ol vot.
2.RIPOT BILONG OL LAE POLIS HAUS I PINIS
Ripot long sevenpela haus bilong ol polisman long Bumbu Polis Bareks long Lae I pinis, na wetim tok orait bilong Polis Komisina, Gari Baki.
ACP bilong Noten Rijen, Peter Guinness, I tok ACP bilong Sapot Sevises long Polis Hetkwata I wetim Komisina long sainim ol pepa, pastaim long wok I ken go het.
3.MOROBE PROVINSAL GAVMAN BAIM GRAUN LONG KOMBA
Morobe provinsal gavman I tromoi 250 tausen kina long baim graun long ples Komba, long sanapim wanpela rural stesin.
Gavana Kelly Naru I makim provinsal ekseketiv kaunsil, na givim hap long manimak 2 milian kina long ol papagraun aste.
Ples Komba I bin karim bikpela hevi long taim bilong drai las yia.
NA LONG SPOTS NIUS:
1.JAMES SEGEYARO BAI KAM BEK
Maski em gat bikpela kros wantaim sampela ol opisal bilong PNG ragbi lig, James Segeyaro I laik kambek yet long PNG long go pas long ol ragbi lig program long ol skul na komyuniti long givim bek save em I gat long pilai ragbi lig, na strongim nem bilong papa bilong em.
https://youtube.com/watch?v=iLUqUP4mG68%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
