Hia nau em ol EMTV nesenel nius hetlain long tok pisin…
1.DIPATMEN TOKIM OL PROVINS NA DISTRIK LONG GIVIM RIPOT
Dipatmen bilong implimentesin na rurel divelopmen i givim strongpela tok lukaut long ol provinsal na distrik administreta, olsem sapos ol i no givim ripot long ol DSIP moni, bai ol i no inap kisim nupela hap ol moni bilong dispela yia.
Mausman bilong Dipatmen, Jackson Why (WI) i tok moa long K17 milian long ol distrik na provinsal sapot moni i stap yet wantaim Dipatmen, long wanem ol provins na distrik i no givim ripot long moni ol i yusim.
2.OL HELA LIDA LAIKIM BAI ILEKSEN BILONG MAKIM NUPELA GAVANA
Ol lida man bilong namba wan bikpela asosiesen grup long Hela provins i laikim Ilektrol Komisin long kamapim wanpela bai ileksen bilong votim nupela gavana.
Nau yet Hela i nogat gavana bihain long Anderson Agiru i bin dai na lusim sia i stap nating.
Bikman bilong Hela Gimbu Asosiesen, Damien Arabagali, i tok bai ileksen tasol bai bringim bel isi na gutpela sindaun long Hela provins.
3.YUNIVESITI OV GOROKA ASKIM OL SUMATIN LONG GO BEK SKUL
Administresin long Yunivesiti ov Goroka i tokaut tete olsem ples i orait gen, na ol sumatin i ken go bek long skul.
Tete ol i bung wantaim Polis Minista, Robert Atiyafa, husat i askim ol memba bilong palamen long lukautim gut ples na laip bilong ol sumatin na manmeri bilong pablik.
NA LONG SPOT NIUS BILONG TETE:
4. ADEX WERA BAI STAP LONG GEM AGENSIM MANLY SEAGULLS
Paia lait bekro bilong SP PNG Hunters, Adex Wara, bai redi long bungim ol Wynnum Manly Seagulls dispela wiken.
Hunters bai strong long inapim gutpela pilai agensim ol Seagulls.
Planti ol manmeri i tok dispela gem bai wanpela strongpela gem tru.
https://youtube.com/watch?v=10YnYegFRdA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
