Hia nau em nius long tok pisin…
1. MOROBE GAVANA AMAMAS LONG AUSTRALIA OPIM OPIS LONG LAE
Morobe Gavana Kelly Naru I amamas olsem Australia gavman bai opim gen opis bilong ol long Lae’siti.
Gavana Naru I tok dispela I soi olsem pasin poroman namel long Australia na PNG I strong yet.
2. NESENEL RISETS INSTITUTE LAIK BUNGIM SAVE BILONG PNG
Nesenel Risets Institiut o NRI, I opim pinis namba wan bungim bilong save, long Papua Niugini.
NRI I tok dispela bai lukim ol bikpela askim I go long nesenel gavman, bai mas bihainim gut strongpela wok luksave, long groim kantri.
3. WOK GLASIM KIRAP LONG EKSAMINESEN SISTEM
Bihainim planti ol sut tok long ol sumatin I wok hait na mekim ol eksaminesen, Minista bilong Edukesen, Nick Kuman I sanapim pinis wanpela wok riviu o glasim bilong eksaminesen sistem long kantri.
NA LONG SPOTS NIUS:
1. PILAI PLES BILONG FIFA WOL KAP BAI REDI
Ol pilai fil bilong FIFA Anda 20 Wol Kap bilong ol Meri we bai op long mun Novemba, bai pinis tupela mun, pastaim long bikpela resis I kirap.
PNG i bin winim ol rait bilong lukautim dispela bikpela pilai long Mun 2015 yet.
Maski I gat planti sut tok I stap olsem ol pilai ples bai no inap redi, Minista bilong Spots and Turisim, Justin Tkatchenko I tok olgeta wok bai pinis long taim stret.
https://youtube.com/watch?v=X40FupgP-24%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
