26 C
Port Moresby
May 10, 2021
News Tok Pisin Nius

24 Mas | EMTV Nesenel Nius Long Tok Pisin

Share the News

Hia nau em nius long tok pisin…

1. PRAIM MINISTA TOK EKONOMI BILONG KANTRI I ORAIT

Namba tri de long sindaun bilong Nesenel Palamen, I lukim bikpela kros I go kam namel long Praim Minista Peter O’Neill, na Oposisen Lida Don Polye.
Oposisen lida I bin kirapim ol askim long Praim Minista long sindaun bilong ekonomi bilong kantri.
Praim Minista O’Neill I tok gavman I wok was gut long ron bilong ekonomi, na I gat save long daunim olgeta moni hevi, na mekim kantri I ron strong yet.

2. PM TOK PNG MAS BAIM PNG TASOL

Praim Minista Peter O’Neill I tok ol pipel I mas tingting gut nab aim samting we ol I mekim long PNG yet, bai moni I ken stap insait long kantri, na I no go aut.
Em I mekim dispela toktok long Palamen tude, we em I tok ol liklik samting olsem groim rais long kantri, o kaikai rais we ol I groim yet long kantri, na yusim ol mobail sevis olsem bmobile-vodafone, we em I kampani bilong PNG yet, na I no ol narapela mobail sevis bilong ol ovasis kampani.

 

3. KUNDIAWA GEMBOK MEMBA LAIKIM GAVMAN LONG SAPOTIM OL SIOS HELT SEVIS

Memba bilong Kundiawa Gembok, Tobias Kulang, I askim nesenel gavman long givim bek K15 milian ol I bin rausim long moni plen bilong ol Kristen Helt Sevis.
Mista Kulang I tokim palamen olsem ol helt sevis bilong ol sios long sampela ol liklik ples I wok long pasim dua nau, na em I givim bikpela hevi tru long ol manmeri long ol dispela ples.

 

NA LONG SPOTS NIUS:

1. OL PNG FUTBOL MAN I LUS LONG SOLOMON AILANS

Tim bilong ol PNG Futbol Man I no bin inap long daunim Solomon Ailans taim ol I lus long ol 2-nil long pilai bilong ol long Honiara.
Planti tausen manmeri long Honiara I bin kamap long lukim ol mangi bilong Solomon Ailans I opim skoa wantaim gol I kam long Benjamin Totori.
Namba tu gol bilong Solomon Ailans I kam long haf taim stret, na Solomon Ailans I no wari tumas long seken hap.
Tommy Semmy, na kepten bilong PNG, Raymond Gunemba klostu I skoa, tasol ol I no inap long brukim kiau.
Namba tu pilai bilong Tim PNG bai kamap long Sande long 2 kilok, pastaim long ol I lusim Honiara long kam bek long PNG.

https://youtube.com/watch?v=y0VxWbSeOsk%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Momis: Panguna Mine is for Bougainville to Discuss

EMTV Online

Triathlon takes centre stage in Hyde Park

EMTV Online

Air Niugini Looking To Save Millions As The Airline Company Looks to In-house Heavy Maintenance For Aircrafts

EMTV Online
error: Content is protected !!