Hia nau em ol nius long tok pisin…
1. GALP PROVINS KARIM BIKPELA SIK TB HEVI
Galp provins nau I karim bikpela hevi tru long sik TB.
Ol namba long Helt Dipatmen I soim klia olsem I kam inap mun Jun, 2015, wanpela ten tri, o 13-pela manmeri I gat sik TB, na klostu 300 moa I wok kisim TB marasin.
Tasol hevi I stap long strong bilong provinsal helt opis long kaunim gut ol manmeri. Tasol ol wokmanmeri I tok olsem ol namba I wok go bikpela moa.
Nau yet ol I pret olsem sapos olgeta 22 helt senta long provins I givim stretpela ripot, em bai lukim namba I go antap tru.
2. DEPUTI SIF JASTIS GIVIM TOK LUKAUT LONG OL LOYA
Deputi Sif Jastis, Sir Gibbs Salika, I givim strongpela tok lukaut long ol Loya tude, na em I tok ol PNG manmeri bai nogat moa bilip long ol loya I makim ol long kot.
Em I tromoi dispela toktok bikos em I tok planti taim, ol kot I no save ron gut, bikos ol loya I save isi isi tumas long bungim ol witness long kisim stori bilong ol.
Deputi Sif Jastis Salika I mekim dispela toktok tude bihain long ol loya I makim gavman na Westen Provins Gavana, Ati Wobiro, I asua na I no bungim olgeta witnes bilong sanap kot.
3. POLISMAN I SOT LONG MENYAMYA
Sot bilong ol polisman long Menyamya distrik long Morobe I lukim ol bikpela pasin nogut olsem kilim man na reip, I go bikpela.
Aninit long polis straksa, I mas I gat faivpela polisman I wok long distrik.
Tasol nau yet I gat tupela polisman tasol I stap.
Sif Inspekta bilong Rural Komand, David Warap, I tok bikos I nogat inap polisman I stap long hap, ol I save yusim wanwan ol manmeri long pablik long wok olsem ol risev polisman.
NA LONG SPOTS NIUS:
1. RAPATONA WINIM NAMBA WAN GEM
PKA Rapatona I kisim namba wan win bilong ol taim ol I daunim Welgris Morobe United long Pot Mosbi.
Tasol namba wan bikpela stori em pilai namel long Hekari United, na Lae City Dwellers.
https://youtube.com/watch?v=ahCs7r_EZo0%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
