Ol Nius Hetlain:
Toktok bilong bikpla prais bilong ol balus tiket, i kamap gen long palamen tete. Minista blong Sivil Avesen, ALFRED MANASE, i tokim palamen olsem, tupla samting i save surukim prais blong ol balus tiket i go antap.
Deputi Praim Minista na Tresera, CHARLES ABEL, i sutim tok long tok stia, we Intanesinol Moniteri Fan na Wol Benk, i givim long kantri, we em i tok i no karim gutpla kaikai long strongim ekonomi bilong kantri.
Na long spots nius:
Papua Niugini Ragbi Lig, nau i wok long strongim ragbi lig bilong ol meri, we tete ol i tokaut long niupla bikpla patnasip i kamap namel long PNG Orchids, aninit long PNGRFL, na biknem NRL klab long Australia, Brisbane Broncos.
