News Tok Pisin Nius

2 Jun | EMTV Nesenel Nius Long Tok Pisin

Hia nau em ol nius long tok pisin:

1. UPNG KAUNSIL TOKAUT LONG OPIM BEK SKUL LONG PINISIM SEMESTA 1

UPNG Kaunsil tete i bung na tok oraitim opim bek bilong skul yia, bai ol sumatin i ken pinisim gut semesta 1 skul bilong ol.
UPNG Ekting Sansela, Nicholas Mann i tokaut olsem UPNG Medikal Fakulti bai go bek skul neks wik Mande, em Jun 6, na bikpela UPNG skul bai opim skul gen long Mande, Jun 13.
UPNG Administresin nau i askim olgeta sumatin husat i bin go bek long wanwan ol provins bilong ol, long kam bek long Mosbi.
2. PASIFIK MARIN INDASTRIEL ZON WOK NO INAP KIRAP YET

Pasifik Maritaim Indastriel Zon projek long Madang bai no inap long go het yet.
Stet Enteprais na Pablik Invesmen Minista, William Duma, i tok dinau mani inapim 900 milian em Exim Benk bilong Saina yet i holim bek.
Minista Duma i mekim dispela tok klia bihain long em i kisim ol askim i kam long Deputi Oposisen Lida, Sam Basil, long Palamen tete.
3. EDUKESEN DIPATMEN NOGAT GUTPELA DATABEIS LONG SEKAP LONG OL TISA NA SUMATIN

Edukesen dipatmen i nidim wanpela gutpela databes sistem long was gut long wok bilong ol tisa, ol sumatin, na wanwan ol skul long kantri.
Edukesen Minista, Nick Kuman, i tokim palamen tete, olsem dispela kain samting i no stap, na dipatmen i wok bungim bikpela hevi.
Mista Kuman i tok bai gat moa senis i kamap long Eukesen Ekt, bihain long ol i skelim tingting bilong Spesol Palamentri Komiti long Edukesen.
NA LONG SPOT NIUS BILONG TETE:

3. PANTHERS RAUSIM SEGEYARO GO DAUN LONG RISEV GRED

NRL tim Penrith Panthers, i suvim bipo Kumul James Segeyaro, i go daun long Risev Gred bilong ol.
Segeyaro i bin bungim hevi taim polis i bin laik sasim em bikos em i wok raun wantaim ol raskol man.
I gat tokwin tu olsem Penrith i no laik sainim nupela kontrak wantaim Segeyaro, long wanem ol i tingting planti long noken abrusim mak bilong baim ol pilaia.

Related posts

New Golf Manual for junior development programs

EMTV Online

Refugee in Manus hit with a piece of iron

Theckla Gunga

‘Endurance’, novel featuring PNG history launched

Leave a Comment

error: Content is protected !!