27 C
Port Moresby
May 17, 2021
Tok Pisin Nius

17 Ogas | EMTV Nesenel Nius Long Tok Pisin

Share the News

Hia nau em ol EMTV Nesinol Nius Hetlain long Tok Pisin.

1. PNG NA AUSTRALIA WOKBUNG LONG PASIM MANUS SENTA

Wok bai ron nau long pasim dua long Asailam Sika Senta long Manus Provins.

Praim Minista Peter O’Neill i tokaut tete olsem em i bung wantaim Imigresen Minista bilong Australia, Peter Dutton, long paitim tok long dispela.

Dispela ol tok pait i kamap bihain long Suprim Kot long PNG i mekim disisen long Epril 26, we i tok dispela senta i no bihainim mama loa bilong kantri, na i tok ol i mas pasim.

Nau tok pait i go het long husat tru i bosim wok long dispela senta long Manus.

2. PRAIM MINISTA TOK LOA I BOSIM HEVI LONG INTANET i GUTPELA

Polis long Jacksons ples balus i arestim na sasim wanpela meri Sri Lanka husat i save wok wantaim Air Niugini, bihain long em i tok pilai na tok olsem em i karim wanpela bom insait long bek bilong em.

Dispela wok meri bilong Air Niugini i bin redi long kisim balus i go long Sri Lanka, taim em i mekim dispela tok pilai long ol sekyuriti gad i sekim beg bilong em.

Polis Stesin Komanda long Jacksons ples balus, Robert Wani, i tok klia olsem kain ol toktok olsem long bom, i no gutpela moa, bikos tete, planti laip i save lus long kain pasin teroris i wok kamap long ol arapela kantri long wol.

3. NESENEL KOFI KAPING KOMPETISEN OP LONG LAE

Nesenel Kofi Kaping kompetisen i op pinis long Lae, wantaim moa long 100 kopi koporetiv i luki rot bilong skelim strong na swit bilong kofi, pastaim long ol i givim gred long en.

Ol kofi bilong kain kain ol hap bilong kantri i bihainim ol strongpela wok sekim. Olgeta risal bilong dispela ol wok testim bai opim sans bilong ol fama i go long ol intanesenel maket.

NA LONG SPOT NIUS:

Tripela strongman bilong SP Hunters, Justin Olam, Bland Abavu, na Adex Wera, em ol i saspendim ol bihain long Kwinslen Ragbi Lig Judisari o kot bilong ragbi lig, i bin glasim gut ol vidio ong pilai i kamap las wiken.

Olam na Abaru i kisim wan wik saspensen; na Wera i kisim tupela wik saspensen.

 

Related posts

28 Mei | EMTV Nesenel Nius Long Tok Pisin

EMTV Online

04 Oktoba | EMTV Nesenel Nius Long Tok Pisin

EMTV Online

6 Novemba | EMTV Nesenel Nius Long Tok Pisin

EMTV Online
error: Content is protected !!