25 C
Port Moresby
July 11, 2020
News Tok Pisin Nius

16 Mei | EMTV Nesenel Nius Long Tok Pisin


Hia nau em ol nius long tok pisin:

1. BIPO POLIS KOMISINA NA OMBUDSMAN TOK KLIA

Bipo Sif Ombudsman, na Polis Komisina, Ila Geno, i tok wok painim i go insait long ol sut tok agensim Praim Minista, i mas go het, na nogat wanpela i mas pasim.
Mista Geno i toktok long EMTV tete.
Geno em i wanpela memba bilong Komyuniti Kolisin Agensim Korapsen, husat i sapotim singaut i go long ol arapela opis i save was long konstitusen o mama loa bilong kantri, olsem Ombudsman Komisin, long givim bel isi long pablik olsem ol i wok glasim ol dispela strongpela sut tok agensim ol lain i holim ol pablik opis.

2. PATO TOK PE BILONG OL FOREN MISIN BAI ORAIT

Minista bilong Foren Afes na Imigresen, Rimbink Pato, tokaut aste olsem i tru olsem ol wokmanmeri long ol PNG Ovasis Misin i no bin kisim pe tupela potnait olgeta.
Tasol Mista Pato i tok dispela hevi, em i stret pinis.
Oposisen Lida Sam Basil i bin autim dispela hevi las wik Fraide.
Tasol Minista Pato i tok hevi kamap long nesenel peirol system, na ol i wokbung wantaim ol Dipatmen bilong Fainens na Tresari long stretim.

3. WAWIN ROT BAI KAMAP NUPELA GEN

Ol pipel na ples husat i save yusim Wawin Rot insait long Huon Galp Distrik long Morobe, nau bai gat nupela rot gen.
Wok i kirap pinis long K5 milian rot wok we bai go het wantaim sapot i kam long Morobe Provinsal Gavman na Huon Galp Distrik.
Dispela rot, longpela bilong en, 10 kilomita, i save halivim wanpela long ol biknem nesenel haiskul long kantri, wanpela Didiman Stesin, na moa long 40 yia i go pinis, dispela rot i no lukim kolta long en.

 

NA LONG SPOT NIUS BILONG TETE:

4. MICHAEL MARUM TOK OL KUMULS YET I MEKIM SAMTING STRET

Kosa bilong PNG LNG Kumuls, Michael Marum, i givim bikpela tok luksave tru long dispela Kumuls tim i daunim Fiji long Pasifik Tes i kamap long Australia.
Marum i tokim EMTV olsem kain pilai bilong dispela kumuls tim, i strongim bek bilip bilong kantri long nesenel tim bilong ol.

https://youtube.com/watch?v=2zd47QB5-W0%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Clay pot, a Significant Practice for Bilbil People of Madang

Martha Louis

Remote Madang Village gets Better Access to Health

EMTV Online

31 Mei | EMTV Nesenel Nius Hetlain Long Tok Pisin

EMTV Online
error: Content is protected !!