25 C
Port Moresby
April 18, 2021
News Tok Pisin Nius

10 Mei | EMTV Nesenel Nius Long Tok Pisin

Share the News


Hia nau em ol nius long tok pisin:

1. ATONI JENERAL NO WINIM KOT LUKSAVE

Aplikesen bilong Atoni Jeneral na Jastis Minista, Ano Pala long go insait long kot bilong Frod Skwad Dairekta, Matthew Damaru, i no winim luksave bilong nesenel kot.
Dispela askim i kam long Pala, em long em bai stap insait long kot long rausim bilong Damaru olsem dairekta bilong Nesenel Frod na Anti Korapsen Dairektret.

2. HELT MINISTA LAIKIM WOK GLASIM LONG WHP HELT ATORITI

Helt Minista, Michael Malabag, i laikim bai i mas i gat wok glasim i go insait long Westen Hailans Provinsal Helt Atoriti.
Minista Malabag i givim oda pinis long Sif Ekseketiv Opisa bilong Westen Hailans Helt Atoriti, long step daun o lusim wok bai dispela wok glasim i ken go het.

3. CS KOMISINA MICHAEL WAIPO TOK OL WOK BILONG CS BAI GO HET YET

Koreksenal Sevis Komisina, Michael Waipo, i tokaut tete olsem ol wok divelopmen long Misima long Milen Be, na senisim bilong ol Rurel Lok Ap senta long Wes Sepik, Manus na Nu Ailan, bai go het yet.
Waipo i mekim dispela toksave tete moning, bihain long Waigani Nesenel Kot i makim em olsem Komisina.

NA LONG SPOT NIUS BILONG TETE:

4. SP SPOTS AWODS REDI WANTAIM OL NOMINESEN

Bihain long bikpela yia bilong Spots long Papua Niugini long namba 15 Pacific Gems, samting olsem 33 fainolis i stap pinis bihain long PNG Olimpik Komiti na PNG Sport Faundesen i glasim 138 nominesen.
Namel long 11-pela kategori bilong ol spotman na meri, em EMTV tu i stap olsem wanpela nominesen bilong Sport Media Award, long brodkas bilong en long Pacific Gems.

 

https://youtube.com/watch?v=Pq2jL18tlwc%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Biosecurity Challenges Addressed In Manual

EMTV Online

Committal Court Dismisses Hamou’s Case

Theckla Gunga

Sangetari Sworn In As Acting Chief Ombudsman

EMTV Online
error: Content is protected !!