Nius Hetlain:
Sensasip Opis bilong kantri i tok olgeta lain brodkasta i ken lusim laisens bilong ol, sapos ol i no bihainim stret ol loa bilong soim ol stori long ol niuspepa, buk o websait, ol piksa muvi o televisen or toksave long redio; Gavana bilong Is Sepik na Memba bilong Wewak toktok strongim ol pipel bilong Wiwek olsem ol i wok long redi long stretim sindaun bilong ol pipel long Ailan Kadovar; na Balus kampani Air Niugini i senisim balus ron PX 126 tete avinun, long wanem das na sit bilong paia i kam long Kadovar maunten paia i karamapim Wewak, na i ken bagarapim ron bilong balus.
