Hia nau em ol nius long tok pisin:
1. LOYA BILONG JASTIS SAKORA TOK KLIA
Loya bilong Jastis Sir Bernard Sakora, i tokaut tude olsem dispela mani ol i sasim Jastis Sakora long en, em i nogat wanpela paul pasin long en.
Loani Henao i tokim midia olsem dispela mani em bilong wanpela kar bilong en, we Paraka Lawyers i bin baim long en.
2. INTENAL REVENIU KOMISIN TOKAUT LONG HEVI
Intenal Reveniu Komisin, em opis we i save kisim takis bilong kantri, i tokaut pinis, olsem forestri sekta i gat bikpela hevi long sekim.
IRC i tokaut olsem opis bilong ol yet i nogat inap strong long sekim gut loging indastri long kantri.
3. SORI TRU LONG LAIN I LUSIM LAIP LONG KIUNGA
Provinsal Polis Komanda bilong Westen Provins, Joe Puri, i tokim EMTV nau moning, olsem dispela birua we liklik balus i bungim long Kiunga, em i wanpela bikpela sori tru.
Wanpela Accident Investigation Commission tim i bin go daun long Kiunga tude, long mekim wok painimaut long as tru long dispela birua i kamap. 12-pela pasindia na pailot bilong balus, i bin dai.
NA LONG SPOTS NIUS:
1. AIR NIUGINI TOKAUT LONG SAPOT BILONG EN LONG BSP 7 PNG GEMS
Balus kampani, Air Niugini, tete i tokaut long sapot ol bai givim long namba 7 BSP PNG Gems, we bai kamap long Kimbe, Wes Nu Briten, long mun Novemba dispela yia.
Air Niugini bai karim samting olsem 7,000 spotmanmeri i kam long olgeta provins long kantri.
Air Niugini e mi namba tu bikpela sponsa long givim sapot, bihain long Bank South Pacific i kamap sponsa bilong givim nem bilong en long Gems.
EM TV,PNG,14 Mas | EMTV Nesenel Nius Long Tok Pisin,TOK PISIN NIUS,PNG TV,EMTV NESENEL NIUS,PAPUA NEW GUINEA,
