28 C
Port Moresby
September 27, 2020
Tok Pisin Nius

26 Epril | EMTV Nesenel Nius Long Tok Pisin

Share the News

Nius Hetlain

Memba bilong Madang, Bryan Kramer, i tokaut tete olsem bai gat wok painimaut i go insait long dai bilong 4-pela man husat i lusim laip long Madang. Kramer i tok luksave i stap pinis long han bilong bipo Gavana bilong Madang, Sir Arnold Amet, husat i tok wanbel long em bai go pas long dispela wok painimaut.

Memba bilong Yangoru Saussia, na Minista bilong Nesenel Plening, RICHARD MARU, i tok em i les pinis long raskol pasin i wok go bikpla long distrik bilong em. Em i tok em bai kirapim strongpela pait agensim dispela ol paol pasin, bihain long ol man nogut i kilim wanpela bas draiva husat i ronim bas long Sepik Haiwe, long las wik Fonde.

Samting olsem tripla ten wok iviksen we i kamap long Lae, i stap aninit long lukaut bilong wanpela komiti we i bin sanap long pinis bilong yiar i go pinis, long glasim gut ol pasin iviksen bilong Nesenel Hausing Koporesin. Displa komiti, em Memba bilong Lae, John Rosso, i sanapim bihain long ol i painimaut olsem planti wok iviksen tru i wok long kamap long Lae siti.

Long tupla mun i go pinis, 2-pla moa famili i lusim haus na graun bilong ol. Long bikpla Hoki tonamen i kamap nau, Australia i soim strong bilong ol yet, taim ol man na meri bilong ol i winim olgeta pilai bilong ol. PNG yet, em ol meri i no winim yet wanpla pilai, na ol men i droa tasol wantaim Solomon Ailans.

Related posts

18 Mas | EMTV Nesenel Nius Hetlain Long Tok Pisin

EMTV Online

29 Septemba | EMTV Nesenel Nius Long Tok Pisin

EMTV Online

16 Oktoba | EMTV Nesenel Nius Long Tok Pisin

EMTV Online
error: Content is protected !!