22.5 C
Port Moresby
August 6, 2021
Tok Pisin Nius

2 Mei | EMTV Nesenel Nius Long Tok Pisin

Nius Hetlain

10-pla stilman i bin kisim 20 tausen kina kesmoni, na 50 tausen kina inapim ol stua kaikai na ol fleks kad bihain long ol i hensapim wanpela stua long Kinim stesin, long Karkar Ailan long Madang long Mande. Polis i tok ol dispela stilman i karim wanpela sotgan, wanpela pistol, na 3-pla homed gan.
Ol i hensapim man Saina husat i bosman bilong stua namel long 8 na 9 kilok long moning, taim em i opim stua.

Transparensi Intanesinol PNG i askim Minista bilong nesenel plening, Richard Maru, long rausim bosman bilong Nesenel Statistikal Opis, Roko Koloma, long wok, inap olgeta wok painimaut bilong polis i pinis gut. T-I-P-N-G i tok dispela senis i mas kamap long banisim gut N-I-D projek, na opis bilong NSO. Ol i tok displa tupla opis em opis bilong ol pipel bilong kantri, na ol pablik sevan i mas luksave olsem ol i wasman tasol bilong ol opis bilong gavman.

NCDC Vipers ragbi lig tim, i nogat hom graun yet. Tasol i gat tok win i raun pinis olsem Gavana bilong NCD, Powes Parkop i tokaut pinis olsem taim Sir Hubert Murray stedium i pinis gut, em bai kamap hom graun bilong ol Vipers.

Related posts

2 Jun | EMTV Nesenel Nius Long Tok Pisin

EMTV Online

28 Februari | EMTV Nesenel Nius Long Tok Pisin

EMTV Online

9 Oktoba | EMTV Nesenel Nius Long Tok Pisin

EMTV Online
error: Content is protected !!