24.7 C
Port Moresby
January 29, 2022
Tok Pisin Nius

17 Epril | EMTV Nesenel Nius Long Tok Pisin

Nius Helain

Ol komuniti lida long Sauten Hailens isingaut long Nesinel gavman long larim Thomas Eluh imekim yet wok olsem Provinsel Administreta long province. Long yis igo pinis, nesinel gavman ibin makim Mr Eluh long displa wok bihain long bikpla pait ibin kamap long provins bihain long Eleksen. Ol lida insait long provins itok long haptaim Mr Eluh imekim wok olsem Administreta, em iwokim gut wok, na ol inolaik tru bai gavman senisim em.

Wanpla NGO, Act Now PNG istatim niupla campaign blong en long skulim ol papagraun long lukautim gut graun, na long noken salim nating ol ol lain husat bai bagarapim graun blong ol. Wokman blong Act Now PNG Eddie Tanago,itok planti taim ol papagraun inosave long ol rights blong ol long sait blong graun. Em itok Act Now bai mekim awareness long ol papagraun long protectim graun we istap long han blong ol papagraun yet.

Ol kakao didiman insait long Is Niu Briten provins iwok long lukim sampla senis ikamap bihain long sik blong kakao olikolom cocoa-pod-borer ibin bagarapim planti kakao. Ol didiman inauwoklong kisim tok skul long kamapim ol co-operative long kirapim bek gen kakao. Ngalanaka kakao cooperative em wanpla we iwok long karim kaikai blong gutpla kakao insait long provins.

Related posts

4 Julai | EMTV Nesenel Nius Long Tok Pisin

EMTV Online

18 Julai | EMTV Nesenel Nius Hetlain Long Tok Pisin

EMTV Online

6 Mas | EMTV Nesenel Nius Long Tok Pisin

EMTV Online
error: Content is protected !!