Nius Hetlain
Provinsol Polis Kommanda blong Enga, George Kakas, i wokbung wantaim ol loaman blong komuniti long Wabag, long lukim gutpla sindaun i kamap namel long tripla birua hauslain; Minista blong Fainens na Rurol Developmen, James Marape, i tok em bai kirapim wok painimaut long olgeta polisi o loa, dipatmen bilong en i bin mekim, long lukim olsem moni gavman i makim i mas karim gutpla kaikai bilong pipol; Long displa taim tu, Marape i rausim ol tokwin olsem ol takis mak long kantri bai go antap. Minista Marape i tok tupla dipatmen i holim na bosim moni, em Tresari na Fainens, bai wok wantaim long daunim takis. Displa i stap long astingting blong 100 dei wok plen ol i gat.
