Nius Hetlain
Polis iholim passim tupla man long Tari, bihain long ol iwokabaut raun wantaim ol gun. Displa tupla inau stap aninit long was blong polis long Tari Plois Steisen. Long Sande ikam inap nau, Polis, Defence na ol Warder iwokbung wantaim long kamapim ol roadblock long stoppim ol man husat igat gun ikam insait long Tari town.
Gavman isainim wanpla tok wanbel long kisim moni long mak K3million long Asian Development Bank. Displa tok wanbel em Deputy Prime Minister Charles Abel isainim wantaim ADB Bossman long PNG David Hill. Displa moni bai go long steretim bek ol samting olsem rot, power, ol skul, na hausik where ikisim bagarap long bikpla graun guria.
Department na UNDP itokaut long niupla program, ol ikolim Phone Against Corruption. Aninit long displa program, ol manmeri iken textim wanpla number taim ol ilukim pasin korapsen ikamap long ol gavman dipatmen. Long displa taim, 44pla gavman dipatment istap aninit long displa program.
