Nius Hetlain:
Deputi Spika bilong Nesenel Palamen, na memba bilong Maprik, John Simon, i tokim Palamen kibung tete, olsem i gat planti ol tok pilai agensim pasin bilong ol memba long Palamen; Praim Minista Peter O’Neill i tok em i givim oda pinis long polis long mekim wok painimaut i go insait long 46 milian kina we Kumul Consolidated Holdings i bin peim long kisim taitol bilong graun bilong surukim Difens Fos Nevel Bes we nau i stap long Lancron; Gavana bilong Noten Provins, Gary Juffa, i askim Praim Minista long tok klia long halivim moni inap long 5 milian kina we Praim Minista yet i bin tok oraitim bilong ol hevi i kamap long Noten provins; na long spot nius; PNG tim bilong ol Ragbi Yunion meri, ol Palais, i lusim PNG pinis long go pilai long Sidni…
