Nius Hetlain
Ol Dokta na nes long St Mary Vunapope hausik long is Niu Briten igobek wok tete. Displa em bihain long hausik ibin pas bihainim pasin raskol ikamap long ol wokmanmeri blong hausik long wiken. Aste abvinun, opl wokmanmeri blong hausik ibung wantaim ol lida blong provins na givim tok wanbel long ol ibai gobek wok.
Igat wari olsem Sagalau Praimeri Skul long Madang ibai stopim skul blong moa long 900pla sumatin sapos skul ino kisim TFF moni. Hed Tisa blong skul itok dipatmen blong edukesen ino givim yet moni long mak blong K130 tausen we skul isapos long kisim aninit long TFF. Displa moni em long yis 2014 ikam inap nau. Wantaim displa, igat wari olsem lainim blong ol sumatin long Sagalau Praimeri bai bagarap.
Igat nau niupla menesmen blong Lae Market long Morobe Provins. Displ em bihain long wanpla ripot we isoim olsem moni blong maketibin paol. Long 5:30kilok tete moning, Polis na Lae Siti Kaunsol imekim displa senis long menismen blong market – we ilukim namba wan taim long 4pla yia we ol moni ol market man na meri ibaim long salim ol samting long market, em ol wokman long market irekodim aninit long nupla sistem.
