27.7 C
Port Moresby
July 11, 2020
News Tok Pisin Nius

6 Jenueri | EMTV Nesenel Nius Long Tok Pisin

Nius Hetlain:

Praim Minista Peter O’Neill, i givim luksave long tupela long taim niusman bilong kantri, em Susuve Laumaea, na Oseah Philemon, husat i bin lusim laip long mun i go pinis. Praim Minista i tok olsem dai bilong tupela i lusim bikpela sot long nius mida indastri long kantri, long wanem dispela tupela niusman i bin gat bikpela savemak long bringim nius i go long pipel bilong kantri.

PNG Difens fos bai salim 150 soldia i go long Hela provins long strongim bek lo na oda. Dispela wokabaut bilong ol soldia i kamap bihainim Stet ov Imejensi we gavman i sanapim long provins long mun Disemba las yia.

Wanpela liklik mangi, nem bilong en Damien, husat i gat faivpela krismas tasol, i lus yet long Lae siti. Damien i lus wanpela mun pinis, na famili bilong en i wok long painim em yet. Damien i bin lus long Voco Point nambis long Novemba 26 las yia.

Na long spots nius:

Kosa bilong SP PNG Hunters, Michael Marum, i bilip strong long lainap bilong skwad bilong dispela sisen, wantaim kambek bilong Israel Eliab. Marum i tok dispela yia, Hunters i gat gutpela sans long lukim fainol…

Related posts

Morobe Backs Transparency International PNG

EMTV Online

Climate talks enter next phase, toughest decisions ahead

EMTV Online

PNG Power Target Lower Production Costs

EMTV Online
error: Content is protected !!