Ol nius hetlain bilong 21 Julai 2021 –
Wanpla submission i stap pinis wantem Electoral Boundary Commission long brukim Talasea District igo long 2-pela electorate.
Displa submission em ol lida man na meri bilong district i givim long Boundaries Commission wantem sapot bilong Gavana Francis Manake.
Gavana Manake itok Talasea em i wanpla bikpla district, na Gavman i mas brukim long skelim gut ol services namel long ol pipol.
FACT FINDING MISSION –
Ol member bilong Tewae-Siassi DDA i go long Bereina long lukim how ol DDA bilong Kairuku-Hiri District i save mekim wok bilong ol.
Memba Docta Kobby Bomareo itok Kairuku-Hiri em i wanpla bikpla district, na ol DDA bilong em i ken lainim wanwan samtin long ol.
Ol i go long Bereina station long aste moning.
KTH CONNECTS TEWAI-SIASSI-
Long wankain taim, Docta Bomareo i givim moni mark olsem 3.2-million-kina igo long Kumul Telikom Holdings tete avinun.
Displa i bai lukim Telikom i bai wok long ol bikpla tower insait long Tewae-Siassi.
Docta Bomareo itok District bilong em i sanapim 4-pela tower pinis, na wantem displa sapot, Telikom i ken stretim ol mobile phone sevis wantem TV na radio.
