25 C
Port Moresby
May 10, 2021
Tok Pisin Nius

21 Epril | EMTV Nesenel Nius Long Tok Pisin

Share the News


Hia nau em ol nius long tok pisin:

1. NESENEL KOT LAIKIM BAKI MAS TOK KLIA

Nesenel Kot, tete i singaut long Polis Komisina Gari Baki, long tok klia long wanem as tru bilong sampela ol askim long loa, we i stap insait long oda em i givim long wok painimaut i mas kamap long nesenel frod skwod.
Jastis COLIN MAKAIL i tokim loya bilong Baki, olsem em i mas bekim dispela askim bilong kot, long Trinde, long wik antap.

2. BIPO POLIS MINISTA TOK POLIS NOKEN PILAI POLITIKS

Bipo polis minista, na Memba bilong Goroka, BIRE KIMISOPA, i givim strongpela tok lukaut long polis komisina long was gut long indipendens bilong Royal PNG Konstabulari.
Mista Kimisopa i tokim EMTV tete, olsem ol samting Polis Komisina Baki i mekim, i no givim gutpela piksa long strong na sanap bilong polis fos.

3. GAVANA BILONG MADANG WINIM LUKSAVE BILONG OL MANAM

Gavana bilong Madang, JIM KAS, i bin go sindaun wantaim ol Manam manmeri i stap long ol ke senta, long amamasim tok oraitim bilong Manam Risetolmen Atoriti Bil.
Gavana Kas i bin raun i go lukim olgeta tripela ke senta, we ol Manam lida i bin tok tenkyu long en long wok em i mekim long kamapim dispela loa long painim nupela hap bilong ol long sindaun.

NA LONG SPOTS NIUS:

1. FIFA ANDA 20 CEO REDIM OL INTANESENEL PILAI

Sif Ekseketiv Opisa bilong FIFA Anda 20 Lokol Ogenaising Komiti, SHAEMUS MARTEN, i tok ol i klostu long makim ol de bilong ol intanesenel salens bilong tim PNG.
Ol dispela ol pilai bai kamap long mun MAY, hia long Papua Niugini, long wankain taim olsem Osenia Nesens Kap.
Em i wok ol i wok paitim tok yet wantaim Japan na Yunaitet Stets long makim oda bilong ol pilai.

21 Epril | EMTV Nesenel Nius Long Tok Pisin,EMTV, PNG, PAPUA NEW GUINEA, PNG TV, EMTV NESENEL NIUS, TOK PISIN NIUS,

Related posts

11 Mei | Nesenel EMTV Nius Long Tok Pisin

EMTV Online

12 Mas | EMTV Nesenel Nius Long Tok Pisin

EMTV Online

24 Mas | EMTV Nesenel Nius Long Tok Pisin

EMTV Online
error: Content is protected !!