Nius Hetlain
Minista blong Woks, Michael Nali, i tokaut olsem nesenel gavman i makim 3 bilian kina aninit long Esia Divelopmen Benk long mekim ol wok stretim long Hailens Haiwe.
Long displa taim tu, Minista Nali i tok amamas long ol papagraun blong Maun Hagen Siti husat i larim wok i go het long silipim dispela 4-len haiwe long ples bilong ol.
PNG Air balus i wok redi long ron i go stret long ples Papua long Indonesia.
Long wankain taim tu, Sif Komesol opisa blong PNG Air Paul Abott, i tok hamamas long raun blong ol bigman long strongim displa wokbung na i tok tu olsem ol pepa blong displa sevis i wok go kamap stap.
Wanpla dokta blong ol meri, Dr Onne Rageu, i tok i gat planti ol mama i karim pikinini klostu klostu, i soim olsem i no planti i save long rot blong femli plening.
