Nius Hetlain
Moa long 5,000 man na meri long Manam Ailan, Madang Provins, husat i bin ronowei lusim ailan na igo sidaun long Kea senta long Bogia bihain long Manam ailan i pairap, i wet yet long kisim graun bilong sidaun olgeta long en. Man igo pas long lukautim ol Kea senta long Bogia, Paul Maburau i tok laip i hat moa long oll manmeri. Maski gat planti tok promis i kamap pinis olsem ol bai givim graun long ol, nogat wanpla samtin i kamap yet.
