Nius Hetlain
Minista bilong Nesinol Plening, Richard Maru, i tok ol distrik na provins i mas lukluk strong long kirapim winmoni bilong ol yet tu. Em i mekim dispela strongpla toktok long kirap bilong konsaltetiv kibung bilong Sauten Rijen long Mosbi tete. Em i tok dispela kibung nau bai halivim ol distrik na provins long gat strongpela banis long olgeta levol bilong gavman.
Namba 2 bikpla kibung bilong APEC, em SOM namba 2 o Namba 2 Sinia Opisal Miting. Ol mansave i wok long APEC tete i bung long makim rot bilong inapim moa gutpela samting bilong ol APEC memba kantri.
Papua Niugini Lens Bod, nau bai raun i go long olgeta provins long kantri long wokbung wantim ol provinsal gavman long stretim olgeta ol hap wok bilong graun i stap yet. Minista bilong Graun, Justin Tkatchenko, i askim olgeta provinsal gavman long wok gut wantaim Lens Dipatmen, na Lens Bod, long pinisim olgeta dispela wok.
