24 C
Port Moresby
July 4, 2020
Tok Pisin Nius

12 Julai | EMTV Nesenel Nius Long Tok Pisin

Hia nau em ol nius long tok pisin:

1. SUPRIM KOT I MEKIM DISISEN

Supreme Kot I orderim speaker bilong parliament Theo Zurenoc long singautim gen parliamen insait lo 5pla dei.

Kot I painim out olsem disision bilong acting speaker long las mun I no bihainim loa.

Displa disisen acting speaker I bin mekim long same dai ol UPNG sumatin I bin kisim bagarap lo han bilong polis.

Same taim tu Oposision Leada Don Polye, I hamamas long displa disision na ba go het yet wontaim vot ov no confidence.

Praim Minista Peter O’neill, I haram pinis displa disisen na I tok ol lawyer bilong em bai skelim displa Kot disisen.

2. POLIS RESPONS

Polis Commissina Gari Baki I tok em ba sinagut long PNG Difens Fos Commanda long halivim ol polis sapos bikpela hevi kamap tumora.

Em mekim dispela nek I bihainim ol toktok wanpla grup I mekim lo stoppim wok tumora.

Displa grup I laikim bai Prime Minister step down na larim ol polis I mekim wok painim aut blong ol.

3. UPNG MOROBE SUMATIN I PAINIM ROT BLO GO BEK

Ol Morobe sumatin bilong UPNG husiat I no stap long gavaman scholarship I wetim yet provincial gavaman long buyim tiket bilong ol long go bek.

Ol sumatin I wok long silip long Jubilee Bible College inap long wanpla wik nau.

Ol tokim EMTV olsem ol yet wok lo bungim moni long paitim rot go bek long ples.

NA LONG SPOT NIUS:

4. OL MAKIM U21 NETBALL TIM

Nesenal seleksion tim bilong PNG netball I makim pinis 20pla meri lo pilai netball long mun Septemba.

Dispela gem ol I kolim Osiania Qualifia bai kamap long Niu Ziland.

Netball PNG presiden Julienne Leka-Maliaki I tok olsem bihainim dispela pilai I ba gat ol narapela intanesenal gems.

Wanpla bilong dispela gem ol bai pilai long Pot Mosbi we nesenel tim bai salensim nesenel tim bilong Singapore, long pinis bilong dispela mun.

Related posts

22 Mas | EMTV Nesenel Nius Long Tok Pisin

EMTV Online

13 Mas | EMTV Nesenel Nius Long Tok Pisin

EMTV Online

23 Disemba | EMTV Nesenel Nius Long Tok Pisin

EMTV Online
error: Content is protected !!