Nius Hetlain
I gat 6-pla ples i stap yet long mekim deklaresen, tasol palamen kibung bai kamap yet tumora. Ilektrol Komisina, Patilias Gamato i tok tete avinun, olsem em i bin givim bek 105 Rit Pepa i go long han blong Gavana Jeneral.
Tripela moa kendidet i sanap wantaim PNC kem long Alotau. Memba blong Kagua Erave, Wesley Ramanai, Nipa-Kutubu, Jeffery Komal, na Jiwaka Gavana ilek Dr. William Tongamp.
Bigman blo Pipol’s Progres Pati, Sir Julius Chan, i tok ol i sanap wantaim PNC long fomim namba ten gavman bilong kantri. Sir Julius, i tok PPP bai wokbung wantaim PNC long lukim gutpla sindaun blong kantri na ol pipol.
Long Is Nu Briten Provins, klostu long 12pla memba blong Allians grup i bung long Kokopo.
