Tokpisin Nius Het Toktok:
Wok bilong rausim ol SIM kad we ol ino registerim yet bai go het long namba wan dei bilong mun ogus
Dispela wok bai go pas long ol bikpela taun na siti, bihain bai em suruk igo aut long ol liklik ples na ol bus ples long kantri.
Fiji Trade Komisen long PNG ibin kamapim wanpla kibung long Madang long skelim laik bilong ol bisinis long karim ol wok bilong ol igo lo Fiji.
Dispela kibung i lukluk moa long sait bilong ol liklik na namel sais bisinis.
Tete (30 Julai 2018) emi indipendens dei bilong Vanuatu.
Planti man meri ino save long bikpela wok PNG i wokim long kantri Vanuatu i kisim indipendens bilong en.
Long 1980, faifpla yia bihain long PNG kisim indipendens, em i salim PNG Difens fos igo long Vanuatu na rausim ol rebel pait man na kantri ibin kamap indipendent.
